Gudoomiyaha Baarlamaanka Soomaaliya oo sheegay in Baarlamaanku codsanaayo in muddo laba maalmood gudahood uu ku horyimaado Ra’isulwasaaraha Cusub

Mogadishu Axad 14 October 2012 SMC

Naga soo wac halkan (Skype)

Gudoomiyaha Baarlamaanka Soomaaliya oo sheegay in Baarlamaanku codsanaayo in muddo laba maalmood gudahood uu ku horyimaado Ra’isulwasaaraha Cusub

Kulan ay maanta yeesheen Xildhibaannada Baarlamaanka Soomaaliya ayay ku codsadeen in mudo laba cisho ah lagu horkeenno Ra’isulwasaaraha cusub eeSoomaaliya Baarlamaanka, kadib markii Xildhibaannada Baarlamaanku isugu yimaadeen kulan balaaran oo ay ugu doodayeen Xeerhoosaad uu yeesho baarlamaanka Soomaaliya.

Xildhibaanada Baarlamaanka Soomaaliya ayaa kulankooda maanta waxa uu ka dhacay xarunta golaha shacabka ee magaalada Muqdisho, waxaana shir gudoominaayay kulankaasi Gudoomiyaha Baarlamaanka Prof. Maxamed Cismaan Jawaari.

Mudanayaasha Baarlamaanka Soomaaliya ayaa maanta dooda inteeda badan waxa ay ku salaysnayd xeer hoosaadka Baarlamaanka iyo waxka bedelkiisa si howlha Baarlamaanka ay u noqdaan kuwo si habsami leh u socda, iyadoo ajandaha labaad ee baarlamaanku ka doodaayay maanta ay ahayd arrinta Ra’isulwasaaraha cusub ee uu dhowaan magacaabay Madaxweynaha Jamhuuriyadda Soomaaliya.

Xildhibaannada Baarlamaanku qaarkood ayaa soo jeediyay iney wanaagsan tahay in sida ugu dhaqsiyaha badan loo horkeeno Ra’isulwasaaraha magacaaban si ay u ansixiyaan Xildhibaanada Baarlamaanka, iyadoo Gudoomiyaha Baarlamaanka Soomaaliya Maxamed Cismaan Jawaari uu mudo laba maalmood gudahood ku codsaday in la horkeeno Ra’isulwasaaraha cusub ee Dalka Cabdi Faarax Shirdoon (Saacid) si ay xildhibaannadu codka kalsoonida ugu qaadaan.

Web Updating, Somaliweyn Website
contact@somaliweyn.com  
www.somaliweyn.com 

Naga soo wac halkan (Skype)

Somaliweyn Media Center (SMC)

contact@somaliweyn.com