| Somali
News |
||||||||||||||||
|
||||||||||||||||
Siyaasiga Cali Cabdi Awaare Oo Si Weyn Loogu Soo Dhaweeyey Garoonka Diaaradaha Ee Adan Cade. (Cod+sawir) Mogadishu Isniin 24 September 2012 SMC
(Halkan ka dhageyso codka Cali Cabdi Awaare) Waxaa manta Garoonka diyaaradaha ee Aadan Cadde si heer saro ah loogu soo dhaweeyay Siyaasiga rug cadaaga ah ee Cali Cabdi Awaare, waxaana Garoonka ku soo dhaweeyay dadweyne aad u farabadan iyo mas’uuliyiin kale. Cali Cabdi Awaare ayaa kasoo noqday wasiir Maamulka Puntland, wuxuuna ka mid ahaa dadkii aas-aasay Maamulkaas. Cali Cabdi Awaarea ayaa ah Siyaasi inta badan ku noolaa dalka lana
qaybsaday shacabka dhibaatooyinka kala duwanaa oo soo wajahay, Sidoo
kale wuxuu aad u soo dhaweeyay in Soomaaliya ay maanta ka baxday KMG
islamarkaana si xalaal ah loo doortay Madaxweyne Xasan Sheekh Soo dhaweynta kadib ayuu warbaahinta u sheegay inuu aad ugu faraxsan yahay in maanta uu ka soo dago Garoonka Diyaaradaha ee magaalada Muqdisho. “Waan ku faraxsanahay inaan imaado Muqdisho, waxaana ka imid dalka Jabuuti waxaana u imid inaan Shacabka Soomaaliyeed kala qeybqaado isbedelka Siyaasadeed ee dalka”. Hadal heynta dadka reer Muqdisho ayaa ahaa maalmihii ugu dambeeyay in Cali Cabdi Awaare loo magacaabidoono Ra’iisulWasaaraha Soomaaliya, waxayna bulshada ku dhaqan muqdisho isku raacday inuu yahay shaqsi u qalma in loo magacaabo Ra’iisulWasaare. Ugudambeyntii Cali Cabdi Awaare ayaa sheegay in maanta dalka Soomaaliya looga baahan yahay isbedel Siyaasadeed ee hormarinaya dalka iyo dadka, Wuxuuna intaasi ku daray inuu yahay shaqsi sifiican u yaqaana dhulka Soomaaliyeed iyo Bulshaweynta ku nool, Wuxuuna sidoo kale xusay in wax badan uu ka bedeli doonto Xaaladda hadda ee ku jirto Soomaaliya, ha ahaato dhinaca Amniga, Dhaqaalaha, Maamul wanaaggai yo xiriirka Caalamka. ----Dhamaad---- Xogta Sheeg Maxamuud Axmed Xasan
Somaliweyn Media Center (SMC)
Somaliweyn Media Center (SMC)
|
