| Somali News | ||||||||||||||||||||||||||||||||||||
|
||||||||||||||||||||||||||||||||||||
Dagaalada Muqdisho kama Madhana Waji Qabiil
13 May 2009 SMC Marka hore salaanta Islaamka (SCW). Marka xigta Alle mahad leh Nebigii suubana ee Maxamed (CSW) ayaa Sharaf leh ( Hadii aad wax badan BBC-da ka dhegeysan jirtey Qabqableyaal dagaal oo ciidankiisu mooriyaan yihiin oo si dilaya, hada waxa kuu badelay Culimo ku sheeg ciidankoodu yahey Mujaahidiin oo caara dhuubta isla dhacaya. Keliya magacaya ayuunba is badelay lakiin maadaafiicadii iyo raasaastii habowga aheyd sidii bey u gumaadeysa Shicibka ayaanka daran ee Koonfurta Somalia Gaar ahaan Xamar Cadey ku nool.
Sedexdan kooxood ayaa waxa ay mid walba ka danbeeya Gacmo shisheeye oo mid kastaa uu ujeedadiisa gaarka ah fushanayo, iyadoo sida muuqata aan haba yaraate la arki doonin in sadex qolo mid ka midi ay qaado koobka lagu hirdamyo ee ah ugu yaraan xukunka Koonfurta dalkii Somalia la odhan jiray. Dawlada Sheikh Shiriif oo ah ururis asal ahaa ka soo kala jeeda dawladii Cabdilahi Yusuf, Garabkii Sheikh Shiriif raacay ee ka go`ay ka dib khilaafkii Asmara ayaa waxa awoodeeda u badani ay ku tiirsan tahey dawlada Caalamka Gaar ahaan kuwa reer Galbeedka, waxana keliya dawlada hiil iyo hoo u ah caalamka intiisa jecel in Somalia ay ka dhalato dawlad aaney hogaamineyn kooxaha loogu yeedho Argagixisadu. Kooxaha magacayada Islaamka sheegta ee aan aheyn kooxda Al-Ashabaab ayaa waxaa iyagu arintoodu u badan tahey kooxo hab qabiil u aabaabulan balse Cimaadamadu qoorta ugu duuban tahey, qoladan ayaa u aragta in ku biirada Dawlada Sheikh Shiriif aaney ku heleyn mansabyadii ay qoriga u qaateen. Kooxda awooda badan misna cawodga bada nee Al-Shabaab ayaa iyagu waxa keliya ee dhagahooda maqlaan waa xabada iyo in dhiigi dooto ilaa xadrata, ama in dadku noqdaan qaar diinta iyo nolashaba u qaata sida ay Shaabaabiyiintu u arkaan!!!!. Ma jirto baayactan iyo ogalaansho ay ogol yihiin in qofka kale ee diinta yaqaana tiisa la dhageysto amaba meel dhexe la isugu yimaado. Iyadoo duursta laga bartey taariikhda gaar ahaan dhadooyinka Somaliyada Koonfureed ay ina caawineyso ayaa waxa hubaala in dagaalka ka socda Muqdisho ama koonfurta Somalia aaney jiri doonin cid guul taarikhiya gaadha ayaa waxa uu noqon doona dagaal aan ka fursan doonin iney soo galaan Ciidamo shisheeye oo imaanshahoodu kowaad uu ku xidhnaan doonto hadaba inta ay kooxda Alshaabab awoodu ku sii fido Caaasimada Muqdisho. Kooxaha sheegta Maxkamdaha Islaamiga ah iyo Alshaab waxey ka mideysan yihiin hal argtiya arigtidaas oo ah in la rido Dawlada Jabuuti lagu soo dhisey ee Sheikh Shariif, marka taa laga tago ma jirto wax kale oo ay isku raacsan yihiin labadan kooxood. Lakiin waxaan meesha laga saari karin inuu yimaado isku dhac ka dhex Qarxa Sheikh Daahir Aweys oo isu arka inuu yahey Aabaha Halganka iyo Hogaamiyayaasha kooxda Al-shaabab oo iyagu aan sinaba u rumeysneyn inuu Sheikh Hasan Daahir Aweys yahey nin aamisan ama ku dhaqma Aydoolajiyada Al-Shabaab ee ah inaguna Muslin khaalisa inta kalena gaala Gaalo weliba cawaana. Sheekadu waa maan Barey iyo Maan Bilaal. Gebagabadii iyo Guntii dagaalka dhiigu badani ku daadanayo ayaa waxey badan tahey inuu 90% noqdo dagaal qabiileed diinta loogu gabanayo iyadoo hadaba la arkayo calaamado muujinaya in sheekadu u socoto hab Qabileed toosa. Waxa kale oo suurto gal badan noqon karta in Ciidamo shisheeye ay ku soo biiraan kuwa hadaba jooga iyagoo aakhirka isa sii kaba raaciyaan hanbada ka soo hadha inta Somalidu iska disho. Alla mahad leh
Somaliweyn Media Center “SMC”
Somaliweyn Media Center (SMC)  |
|
|||||||||||||||||||||||||||||||||||
